Ffurflen Gyfrifon Safonol i Blwyfi
Yn dilyn ymgynghori â’r plwyfi a chymeradwyaeth yr Esgobaethau a Chorff y Cynrychiolwyr, cynigir Ffurflen Gyfrifon Safonol i Blwyfi o 1 Ionawr 2010.
Gellir gweld canlyniadau’r ymgynghoriad yma.
Dylai’r detholiad atodedig o daenlenni fod yn ddigonol ar gyfer cyfrifon plwyfi y mae iddynt wahanol raddfeydd o incwm, ac fe’i bwriedir fel arweiniad.
Dylai’r Adroddiad Blynyddol a’r Cyfrifon gydymffurfio â’r Rheoliadau Cyfrifo a draethir yn y Cyfansoddiad.
Y mae ar y taenlenni mwy cymhleth golofnau ychwanegol y gellir eu defnyddio neu beidio ac, mewn rhai achosion, fe all y bydd plwyfi am eu defnyddio at ryw bwrpas plwyfol gwahanol i’r un y maent yn ei ddangos.
Cynnwys pob set o daenlenni gyngor ar gwblhau’r ffurflenni, patrwm o’r ffurflen safonol, patrwm a awgrymwyd ar gyfer yr adroddiad blynyddol a phatrwm yr adroddiad ariannol blynyddol.
Anfonwyd set seml o daenlenni at bob Trysorydd Plwyf. Gyda’r taenlenni hyn fe amgaewyd llythyr y gellir ei lawrlwytho yma.
Fe all y tabl a ganlyn fod o gymorth i chwi benderfynu pa set o daenlenni yr ydych am eu defnyddio.
| Trothwyon Incwm Cyfredol | Cyfrifon derbyniadau a thaliadau | Cyfrifon croniadau | Archwiliad allanol o’r cyfrifon | Cofrestru â’r Comisiwn Elusennau a chyflwyno copi o’r Adroddiad Blynyddol a’r Cyfrifon |
| Hyd at £100k | Ie | Na | Archwiliad annibynnol | Na |
| £100k i £250k | Ie | Na* | Archwiliad Annibynnol | Ie |
| Dros £250k | Na | Ie | Archwiliad | Ie |
*Os oes gan y Plwyf eisoes gyfrifon croniadau, ewch ymlaen ar y sail honno.
Rhaid i'r holl hyfrifon Plwyf:
- gydymffurfio â’r Ymarfer Safonol a Argymhellir (SORP)
- fod ar gael i’w harchwilio gan yr Archddiaconiaid
- gael eu cadw gyda phob cofnod o gyfrifon am 6 blyn
- fod ar gael i’r cyhoedd os gofynnir amdanynt.